以下內容，毫不公正 ；如有雷同，實屬不幸

1. 福音派教會之所以要講咁耐道，係因為cut晒啲禮儀，無理由要啲會眾特登返嚟崇拜然後半個鐘唔夠就完。
2. 亦都係因為見到啲會眾一場嚟到，咁有誠意星期日都咁早起身，所以有啲講員決定講到九個字一個鐘，希望令大家滿載而歸。
3. 對長者嚟講，最理想嘅講道長度，應該係完咗崇拜啱啱好就可以去攞位飲茶。
4. 永遠唔知點解果幾個唔好笑又唔關事嘅笑話同食字爛gag班婦女團契會笑得咁開心。
5. 當聽到講員猛咁講呢個字嘅原文係咩、猶太傳統文化係點、某某神學家點睇，但講完都唔知同段經文嘅關係係乜，就知道佢好想話俾你知佢有做功課。
6. 勤力讀經祈禱靈修返教會事奉交奉獻係成本聖經都指向嘅應用例子。
7. 點都講下啲社會議題啦，如果唔係啲年青人會覺得你離地。
8. 某講員好鍾意保羅，講咩經文都要講下保羅係點睇呢樣嘢，唔講以為佢係信保羅。
9. 啲人聽慣神學院老師講道所以嫌棄教會啲家常便飯，感謝主原來香港已經進入全民讀神學嘅年代。
10. 算啦，反正上星期講道講過咩你都唔記得架啦。

識笑嘅你，唔知又覺得點先係一篇好嘅講道？

「講見證」對基督徒群體來說絕不陌生，可算是大大小小聚會中的「指定」動作。在台上分享的生活故事，總是比釋經和神學更能抓住會眾的注意。特別在強調實用的華人基督徒群體文化，不少會眾希望有「屬靈範本」能夠跟隨，指引自己的前路。

正面來說，群體中的見證能夠互相鼓勵，亦提供了實踐真理的方案作參考，但在現實中我們趨之若鶩的「成功見證」卻是充滿著弔詭。

有一天，我在想：我的生活裡好像沒有信仰，好像沒有上主的份，我沒有與上主好好的親近一下。