有很多時候，一些弟兄姊妹將他們的未信主的配偶或朋友介紹我認識，因為他們覺得我是個可跟她／他們溝通的人。久而久之，我發現過去普遍教牧都是從「非信徒」的角度看待這些人，卻很少聽聽她／他們的心聲。後來，我試問她／他們怎樣看待我們的信仰或配偶或朋友，以下是 12點有趣的發現：

1. 牧師時時話我係罪人，咁我就問男朋友，既然我係罪人，你又追我？

2. 唔知點解，次次崇拜完，我的信主女朋友走的時候總係閃閃縮縮。

3. 返團契做乜啫？幾廿歲人，仔女都有一大棚，重玩彼此認識，低能！

4. 啲基督徒跟非基督徒無乜唔同，傾學校時一樣講名校邊間好。

5. 唔知點解，團契預咗我一定唔返團契，個次返團契，大家反而覺得驚奇。

6. 我好開心有次教會男人組特登約我食私房菜，原來有咁多人玩HiFi…

7. 奉獻時次次提我係未信的人唔使奉獻，但那次為一位在車禍去世的太太家庭 　　奉獻，我想放錢落袋，但男朋友就話他們不會收。

8. 團契？乜嘢嚟㗎？

9. 團友就好友善，導師就差啲。

10. 唔明教會過時過節梗攪佈道會，聽咗一次，唔信的話，就要繼續去…

11. 嗰次聽佈道會個講員幾好聽，再返先發現佢唔係呢間教會嘅傳道人，可唔可以去講員間教會？

12. 老婆信主有好有唔好，好就脾氣好啲，唔好就係愈來愈唔明我老婆講乜。